АҚШ президенти Дональд Трамп Парижда бўлиб ўтган Биринчи жаҳон уруши якунланганининг 100 йиллигига бағишланган тантанали маросимда Украина президенти Петр Порошенко билан қўл бериб саломлашмади. Global News порталида видео эълон қилинди.
Видеода Трамп Франция президенти Эммануэл Макрон ва Германия канцлери Ангела Меркель ҳамда у билан турган бошқа меҳмонлар билан саломлашганини кўриш мумкин.
Шу вақтда Украина президенти Петр Порошенко иккинчи қаторда турган эди ва Дональд Трампдан кўзини узмаётган эди, лекин Трамп уни кўрмади.
Кеча, 11 ноябрь куни бўлиб ўтган хотирлаш маросимида 70дан ортиқ давлат ва ҳукумат раҳбарлари иштирок этди.
