Хитойда коронавирус сабаб кўплаб саноат объектлари ишламаяпти. Шундан келиб чиқиб ХХР мамлакатга газ импорт қилишни камайтиришни режалаштирмоқда.
Қалампир.уз'нинг хабар беришича, мамлакатдаги газ импорт қилувчи йирик PetroChina компанияси форс-мажор ҳолат эълон қилган.
Компания ўзининг газга бўлган талабининг 40 фоизини импортдан қондиради. Шулар қаторида PetroChina газни Ўзбекистондан ҳам импорт қилади. Хитой компанияси импортни қисқартиришини айтиб, Ўзбекистон Энергетика вазирлигини огоҳлантирган.
