CEOWORLD журнали томонидан дунёдаги бахтли мамлакатлар рейтинги тузилди. Унда 150 давлат қатнашган.
Ўзбекистон рейтингда 44 ўриндан жой олган. Эътиборлиси, Ўзбекистон қўшни давлатлардан, МДҲ мамлакатлари орасида ҳам энг яхши кўрсаткични қайд этган.
МДҲ мамлакатларидан рейтингда Россия 58, Қозоғистон 59, Молдова 66, Туркманистон 67, Беларус 72, Тожикистон 78, Озарбайжон 85, Қирғизистон 90, Арманистон 127, Украина 136 ўриндан жой олди. Рейтингда биринчи ўринни Швейцария қўлга киритди.
Рейтинг тузилишида 18 та жиҳат эътиборга олинган. Булар, саломатлик, умр кўриш давомийлиги, яшаш қиймати, озиқ-овқат хавфсизлиги, даромад ўсиши, қашшоқлик даражаси, ишдан қониқиш, мансаб ошиш имконияти, меҳнат хавфсизлиги, ҳукумат томонидан қўллаб-қувватлаш ва тушкунлик даражаси кабилардир. Сўровда ҳар бир мамлакатдан 6500 нафар киши иштирок этган.
