Ҳодиса бугун, 4 сентябрь куни соат 11:00ларда Шофайиз кўчасида содир бўлган. 18 ёшли Бекзод Ю. бошқа шахсга тегишли бўлган “Ласетти”ни ҳужжатларсиз бошқариб, 22 ёшли аёл ва унинг 2 ёшли қизини уриб кетган. Ўсмир пиёдаларни уриб юборгач 51 ёшли эркак бошқарувидаги “Спарк”га ҳам урилган. Натижада пиёдалар воқеа жойида ҳалок бўлган. Ҳайдовчилар эса шифохонага ётқизилган.
Ҳолат юзасидан ЖКнинг 266 моддаси 3 қисми (“Транспорт воситалари ҳаракати ёки улардан фойдаланиш хавфсизлиги қоидаларини бузиш”) билан жиноий иш қўзғатилган.
