Самарқанд вилоятида 17 ёшли қиз қидирилмоқда. Бу ҳақда ҳуқуқ тартибот органлари хабар қилди.
Маълум бўлишича, Каттақўрғон шаҳар, “Ўрикзор” МФЙ, У.Барнаев 1-берк кўчаси, 9-уйда яшаб келган Эргашева Покиза Жамшид қизи бедарак йўқолган. Қиз 2004 йил 14 ноябрда таваллуд топган. У уйидан шу йил 10 январь куни чиқиб кетиб, қайтиб келмаган.
Қизнинг бўйи 150-155 см, оқдан келган, ўртача гавдали, сочи ва қоши қора, сочининг узунлиги 80-90 см атрофида, кўзи малла рангда, юзи овалсимон, тишлари табиий бутун, лаблари қалин.
Қиз уйидан чиқиб кетган вақтда эгнида тўқ кўк рангли тиззасигача бўлган “Балон” номли куртка, қора рангли спорт трикоси, оч қизил рангли спорт кийими, оёқларида оқ рангли аёллар кросовкаси ва қора рангли орқага илинадиган “Виктория Секрет” ёзуви туширилган сумкаси бўлган. Қиз ҳақида бирон маълумотга эга бўлган фуқаролардан +998901002121, +998662311111, 102, +998662319805 рақамларига қўнғироқ қилиш сўралмоқда.
Эслатиб ўтамиз, аввалроқ Қаттқўрғонда П.Э. исмли қиз 2 январь куни фуқаро И.С. уни Матиз машинасида зўрлагани, шундан сўнг бошқа бир фуқаро С.Р. ҳам уни Жигули машинасида зўрлаганини маълум қилиб, ИИБга мурожаат қилган. Мурожаатдан сўнг П.Э. 10 январда бедарак йўқолгани, 13 январда эса қизни зўрларагнлардан бири С.Р. ўз уйида вафот этгани хабар қилинган эди.
