Ижтимоий тармоқларда Наманган шаҳридаги Шимолий Фарғона каналида аёл оқиб кетаётгани акс этган видео тарқалди. Бу ҳақда EVERYDAY.UZ мухбири хабар қилди.
Маълум бўлишича, ушбу воқеа бугун, 25 май куни соат 7:55 ларда кузатилган. Аёл сувда оқиб кетаётганини ЙҲХБ бошлиғининг ўринбосари подполковник Шавкат Содиқов кўриб қолган ва сўнгра ушбу тизим ходимлари аёлни сувдан олиб чиққан. Фуқарога биринчи ёрдам кўрсатилган ва у шифохонага олиб борилган.
Воқеа юзасидан суриштирув олиб борилмоқда.
Эслатиб ўтамиз, аввалроқ ҳарбий хизматчи Тошкентдаги каналда оқиб кетаётган она ва унинг 2 яшар фарзандини қутқариб қолган эди.
