Андижонда ободонлаштириш ходимларини ўз уйида ишлатган прокурор ишдан олинди

Аввалроқ Андижон вилояти Қўрғонтепа тумани прокурори Сардор Режаббоев ободонлаштириш ходимларини уйида ишлатгани ҳақида хабар қилган эдик.

Ушбу хабар тарқалгач бош прокуратура прокурорга нисбатан хизмат текшируви ўтказилишини маълум қилган эди.

Бош прокуратура матбуот хизматининг хабар қилишича, бош прокурорнинг 2021 йил 23 август кунги буйруғига асосан Сардор Режаббоев интизомий жазо тарикасида эгаллаб турган Қўрғонтепа тумани прокурори лавозимидан озод килинган.