Аввалроқ Қашқадарё вилояти Миришкор тумани ҳокими ўринбосари пора билан ушлангани ҳақида ёзган эдик. У 50 минг долларни олаётганда қўлга олинган.
ДХХ мансабдорнинг қўлга олиниш жараёнидан лавҳа намойиш этди. Унда ҳоким ўринбосари пулларни ўз машинасида олаётганда ушланганини кўриш мумкин.
Таъкидланишича, у чорвачилик билан шуғулланмоқчи бўлган фуқарога Миришкордан 500 гектар ер ажратиб беришни ваъда қилиб 40 минг доллар сўраган. У шунингдек, танишлари орқали Муборак туманидан ҳам 500 гектар ер ажратиб беришни айтиб, у учун ҳам 40 минг доллар сўраган. Мансбадор айтилган пулнинг 50 минг долларини олаётганда ҳуқуқ тартибот органлари томонидан ушланган.